Πρὸ δυεῖν ἡμέραιν οἱ ἄναρχοι καλούμενοι εἰσβαλόντες εἰς τὸ πρυτανεῖον τοῦ περὶ οἰκονομίαν πανδιδακτηρίου Ἀθῄνησι συνέῤῥηξαν κίστας τε ὑπολογιστὰς ἕδρας δὲ ἀνέτρεψαν καὶ ἐκτυπωτὰς κατέστρεψαν. εἶτα Δημήτριον Βουραντώνην τὸν πρύτανιν τῆς δέρης λαβόμενοι ἔσυρον καὶ περιύβριζον. ἔστι γὰρ ἰδεῖν τούτους ἀπ’ εἰκόνων αὐτοῖς δεδημοσιευμένων κύκλῳ περισχόντας αὐτὸν ἐπίγραμμα τοῦ τραχήλου ἐξαπτόμενον ὑπ’ αὐτῶν λέγον «ΑΡΩΓΗ ΤΑΙΣ ΚΑΤΑΛΗΨΕΣΙΝ», εἰς τὰς πρό τινων μηνῶν καταλήψεις ὡς εἰκὸς ἀναφέρον. ἔτι δὲ οὐδὲν τῆς αἰσχρότητος παυόμενοι κατειρωνευσάμενοι εἶπον «χάριν ἔχομεν τῷ πρυτάνει δείξαντι ἀρωγὴν τὸν πρὸς αὑτοῦ τρόπον». οὔτοι γε τυραννικὰ ἔπραξαν χαίροντες· ὁ μὲν γὰρ Μιχαὴλ Χρυσοχοϊδης πρὸς ὀργὴν ἀμειβόμενος τῇ πράξει ἐπεκήρυξε αὐτοῖς ἑκατὸν χιλιάδων εὐρώ, ὁ δὲ Ἄδωνις Γεωργιάδης προεῖπεν ὅτι ἂν τυγχάνωσιν φοιτηταὶ μετασχόντες τῆς ὕβρεως ἀπειργμένοι ἔσονται πάντως τῆς παρὰ τοῖς πανδιαδικτηρίοις φοιτήσεως. καὶ οἱ ταὐτὰ τοῖς δράσασι φρονοῦντες μέμφονται διότι λαβὰς διδόασι τῷ πολιτικῷ ἐχθρῷ καθ’ ὅλου ταῖς φατρίαις ἐπιτιμᾶν.
